L'Albaro de ła Łengoa Veneta » Appuntamenti

Riunion de Xenaro

admin — Sun, 10 Jan 2010 10:38:18 +0000

Ciao, L’Albaro de £a Lengoa Veneta e RaixeVenete te invita Mercore 13 de Xenaro da le 20.45 al “Centro de Cultura Veneta” a Dovile. Parlaremo de varie inisiative pasae e future e de la situasiòn atuale sol fronte de la lengoa Veneta.

Riunion de Novenbre

admin — Mon, 02 Nov 2009 19:04:46 +0000

Ciao, L’Albaro de £a Lengoa Veneta te invita Mercore 4 NOVENBRE, al “Centro de Cultura Veneta” a Dovile, ae oto e 45 in via Garibaldi. Parlaremo de come xe ndà la “Festa dei Veneti” e de le altre atività che ghemo fato e da fare stì ultimi tenpi.

Rinuion de Otobre

admin — Wed, 07 Oct 2009 20:15:26 +0000

L’Albaro de £a Lengoa Veneta ve invita Mercore 7 OTOBRE, al “Centro de Cultura Veneta” a Dovile, ae oto e 45 in via Garibaldi.
Parlaremo de come xe ndà la “Festa dei Veneti”, de la notisia che ANTENA3 tra poco mandarà in onda el nostro cartòn e de i prosimi apuntamenti che vegnarà.
Ve invitemo a nò mancàr! Ciao!

Ciao, L’Albaro de £a Lengoa Veneta te invita Mercore 7 OTOBRE, al “Centro de Cultura Veneta” a Dovile, ae oto e 45 in via Garibaldi.
Parlaremo de come xe ndà la “Festa dei Veneti”, de la notisia che ANTENA3 tra poco mandarà in onda el nostro cartòn e de i prosimi apuntamenti che vegnarà.

Te invito a nò mancàr……CIAO

Riunion de Setenbre

admin — Tue, 01 Sep 2009 13:09:39 +0000

L’Albaro de £a Lengoa Veneta te invita Mercore 2 Setenbre, ora 8.45 sirca al “Centro de Cultura Veneta” a Dovile. Decidaremo come organixarse ala “Festa dei Veneti” e de la gestiòn del nostro gaxebo e del tenpo che ogni asocià poe dare par la festa, e de i futuri bancheti de la Fiera del Soco e de la fiera de Orgìàn.
Ve spetemo tuti!

Riunion de Lulio

admin — Wed, 01 Jul 2009 18:35:12 +0000

L’Albaro de £a Lengoa Veneta te invita Mercore 1 LULIO, al “Centro de Cultura Veneta” a Dovile. Parlàremo de i prosimi apuntamenti che bixogna organixàr nei mexi che vegnarà tipo la “Festa dei Veneti” , dei artico£i pal jorna£e e de le serate de Malo.
ora 8.45 sirca.
CIAO.

Capodanno Veneto

admin — Sun, 01 Mar 2009 18:36:48 +0000

L’ “Albaro” a£a riscoverta de la nostra d’identità

El recupero de £a nostra identità e de £e nostre usanse el pasa par la rievocasiòn de apuntamenti come questo, l’è un paso obligà e par la nostra asociasiòn che gà la voja e l’orgòjo di riscoverxare l’antica tradisiòn veneta del Bati Marso.

Festa tipicamente nostra ciamà anca, “Osade de marso, Ciamàr marso, Tratomarso, Batar marso, Bàtar l’erba, Criàr marso, ‘Ncontràr marso, Movar incontro a marso, Brusamarso, Kalendimarso”.

El senso de stà festa xè el risvejo de la nova e bela stajòn a longo spetà, dopo un autuno e inverno indove bruto tempo, fredo, poche ore de luce obligava i nostri avi a saràrse rento le caxe a far “filò”, anca la natura la somejàva morta, e la trapasava na grande tristesa rento ogni core, la xèra nà stajòn indove bixognava spetàr, spetàr, spetàr senpre calcosa.

Ricordàr insieme stà tradisiòn de la nostra tera, vol anca dir esar visini el nostro parsajio, amarlo e difendarlo dala speculasiòn de stì ultimi ani che incurante de tuto continua a rovinarlo sensa sentimento….“…vegnì fora xente, vegnì in strada a far caxoto, a bàtar marso co’ racole, sbàtole, ranéle, bandòti, serci, téce e pignàte….vegnì, xente…” .

Secondo l’antico ca£endario de la Republica Serenisima el 1° Marso xera el capodano Veneto ciamà alora par un discorso de praticità “More Veneto”, questo gaveva un senso parchè l’era in perfeta sintonia co la tenpistica stagiona£e, insoma l’ano novo el scumisiava co l’arivo de la nova stajòn, gnente de pi logico.
Xe stà el “Liberatòr” napoleone bonaparte a scancelàr el nostro milenario calendario e a vietarghine

el rispeto. Eco che l’acume de la nostra xente de alora lo gà tramutà in nà festa pagana da un ritua£e cronologeco poco fede£e, difati deso stà ricorensa la vien festejà ne l’arco del mexe de Marso.

Naltri come asociasiòn “Bepi Maxene£o- L’Albaro de la Lengoa Veneta”, stàno lo gavemo organixà e festejà a Xuliàn in colaborasiòn co l’asesorà ala cultura del steso comune.

La festa gà vudo inisio ale 8 de sera indove la fiaco£ata giudà da l’asesòr ala cultura Michele Pexavento la se gà indirisà a Villa Giusti, dopo ver inpisà el fogo tuti insieme se ghemo direto al ristorante “La Vecia Lateria” che grasie a la disponibi£ità del paròn Ivan Fontana ghemo fato la sena del Capodano Veneto.

Ospiti de £a serata el presidente del Consejo Veneto Marino Finòsi che gà fato un sa£udo a tuti i Veneti, el Consijèr Roberto Cianbeti, el dotòr Gianfranco Cavalin, e le asociasiòn Raixe Venete e Veneto.org.

La serata la gà vudo un trascorso gradevo£e, xe stà prexentà dei progeti in via de ultimasiòn e alcuni in preparasiòn e xoghi de intratenimento fin a un bòto de note, dove xe stà bruxà el fantocio de l’ano vecio.

Ringrasiemo tuti i 180 partecipanti sperando de verghe fato na festa gradia a lori e anca al nostro Bepin Segato ricordando che l’è stato el primo a riscoverxare stà nostra festa e a ricordarne che anca co ste pico£e robe se dimostra de esar veri Veneti.

Asociasiòn “Bepi Maxene£o-L’Albaro de la Lengoa Veneta”

Fabio Botàso